بنت بدويه

تعليق واحد »

1. ياريس انا قلبى مليان وعاوز افضفض معاك حبتين.بس ياريت ياريس تسمعنى ومتزهقش منى.

   اول حاجه ياريس احنا بقينا بنكح تراب والعيشه اصبحت عذاب.ومش هانقول لك تانى سيب الحكم احنا ياريس اللى هنسيب لك البلد وماشيين.ياريس احنا اتهرينا من الاسطوانات اللى سيادتك مشغلها لنا من 27 سنه وحفظناها خلاص ياريس ومستعدين نسمعها لك.من الدعم للفقراء لتطوير التعليم الى الى الى .حفظنا خلاص ياريس.بس ياريس انت جاى بعد 27 سنه وبتقول نفس الكلام اقصد نفس الاسطوانه.طيب ياريس انت كنت بتعمل ايه فى ال 27 سنه اللى فاتت.وجاى دلوقتى تقول لنا انك هتعمل كلام قلته من 27 سنه؟ياريس سيادتك داخل على ال100 سنه.عمرك 80 سنه ياجدو يعنى بتفتح عينك بالعافيه.وطبعا الاعمار بيد الله بس كل سن وله حكمه.ولا سيادتك فاكر نفسك سوبرمان.انا عارف ردك ياريس هتقول لى انك نجحت فى الانتخابات والشعب اختارك ومكانش فيه تزوير وان الاغلبيه تؤيدك واننى من الفئه المندسه اللى عاوزه تهد البلد. دى كلام المستشارين اللى حوليك بيبلغوك كلام كدب فى كدب.نفسنا ياريس تحل عن سمانا وعلى راى الشاعر احمد نجم عاوزين نشوف خلقه جديده.ياريس الشعب كل يوم بيقول نكت عليك وصلتنا نطلع همومنا فى النكت.ياريس بيقولوا ان سيادتك كنت ماشى ولقيت طابور طويل.سالت نظيف همه الناس دى واقفه طابور ليه .قال لك دول بيشتروا عيش.قلت له همه لسه معاهم فلوس عشان يشتروا عيش.دى طبعا نكته بس ياريت تفهم معناها.هوه العيش بكام ؟ب5 قروش يعنى مش عاوزنا يكون معانا كمان 5 قروش.ولا سيادتك مش عاوزنا نشترى عيش من الاساس؟وضح لنا ياريس.يمكن واحد من حبايبك الاكابر اللى بيقولوا عليهم رجال اعمال فتح مشروع بيتزا ولا تورته وسيادتك عاوزنا نشترى من عنده وسلملى على الاحتكار.ياريس انت عارف اننا بنكره امريكا فياريت ياريس تروح تحكم امريكا شويه يمكن يحصل لها اللى حصل فى مصر فى عهدك وتجيبها الارض.وبيقولوا لنا كمان ان الخبراء بتوعك بيعرضوا عليك طرق التخلص من الشعب اللى مش مقدر النعمه اللى هوه فيها فى ظل حكم سيادتك.وسيادتك تختار دول على العباره يغرقوا ودول على العشوئيات تحت الصخور يدفنوا ودول فى القطار يولعوا ودول على المسارح يولعوا ودول ودول.واحنا شايفينك فى النفطه دى شغال ذى الفل كل يوم مصيبه اتهرينا مصايب ياريس.واحنا مقدرين مجهوداتك.بس ايه حدوتة السواح اللى اتخطفوا دول؟بيقولوا دى كانت حركه عشان تلموا منها قرشين للشعب بس الملعوب بان واللى بوظ الملعوب ابو الغيط وفعد يقول لك دول افرج عنهم خلاص والناصح التانى اللى قال لك ان الكوماندوز البواسل حرر الرهائن وطلع كلام الاتنين فشنك وكانت فضيحتنا بجلاجل فى بلاد بره.ياريس قول لهم مايتكلموش كتير ودارى على شمعتك.مش كانت السبوبه دى من حق الشعب برضه.لو كانت المانيا وايطاليا كل واحده دفعت 10 ملايين كان الشعب كسب 20 مليون.هنقول ايه غيرها فى خيرها ياريس.ماسيادتك حواديتك ماتنتهيش وهتشوف لنا حدوته نطلع بيها بقرشين عشان الشعب الغلبان دى.والله بتتعب عشنا ياريس.سمعنا ياريس ان سيادتك بتناقش حاجات عشان التنميه الزراعيه الى 2020؟هوه انت ناوى ياريس تقعد ل 2020.؟نبوس ايدك ياريس ورجلك انك تحل عننا.خلاص تبنا وعرفنا مجهوداتك بس اعتقنا لوجه الله.دى لو فرعون لسه عايش ماكانش عمل فينا اللى سياتك عملته فينا.وسيبك ياريس من موضوع التوريث دى عشان بصراحه المحروس ابنك احنا مش هاضمينه ولا يمكن عشان من ريحتك ياريس واحنا اتهرينا من انجازاتك.و احنا مش هنشتكى تانى من الاسعار وكفايه اللى حصل معانا وهوه فيه حد يغلبك ياريس دى انت عاجنا وخابزنا اديتنا العلاوه باليمين وقلعتنا هدونا بالشمال.ماهى دى الحنكه السياسيه ياريس وربنا يحنكك كمان وكمان.ياريس نفسى تشوف تعليقات الشعب فى الانتر نت دول بيدعوا عليك دعا جامد اوى ياريس.اللى بيقول روح الله يشلك واللى بيقول روح انشالله تغرق زى بتوع العباره واللى بيقول الهى تولع زى بتوع القطار وغيره وغيره.همه بيكرهوك كده ليه ياريس .ولا دول برضه همه الفئه المندسه؟ياريس الكلام كتير وكتير قوى بس هقولها لك من واحد ماشافش غيرك سحنتك رئيسا لمصر.ايه رايك انك تتوب وتسيب الحكم لواحد تانى يراعى ربنا فى شعب مصر؟ساعتها هنحلف باسمك وننسى كل حاجه وحشه وهنفتكرك بكل خير.ولا الاقتراح دى مايكلش معاك ؟طيب ياريس انت يكفيك كام وتحل عننا.ممكن كل عائله مصريه تبيع عيل من عيالها ونلم قرشبن حلوين تاخدهم لكى ئؤمن بيهم مستقبلك طالما انك ناوى تقعد ل 2020 وتسيب البلد وتروح تعيش بره.ولا هنطالب بمحاكمتك ولا غيره.المهم تحل عننا بانجازاتك.فكر فى كلامى ياريس ولو عجبك اى مقترح من اللى انا عرضته عليك ممكن تتصل بى واسمى هو شعب مصر وعنوانى هو مصر المحروسه(سابقا)عزبة مبارك (حاليا)

   ومستنى ردك ياريس

   ****

   مبروك الغلبان
   02-11-2008 - 14:49:38 GMT 1